HANANGANA TONTOLO VAOVAO HO ANAO OLONY KRISTY

Sambatra ianao tsy menatra mijoro ho olon'i Kristy
« Ary sambatra izay tsy ho tafintohina noho ny amiko. » (Lioka 7:23)
Hanome tontolo entiny hitahiany anao olony ankasitrahany Izy @ ity taona ity
« Ary nampanirin'i Jehovah Andriamanitra teo amin'ny tany ny hazo rehetra izay maha-te-hizaha sady tsara ho fihinana, .... » (Genesisy 2:9a)
MATOKIA !
TRATRY NY TAONA 2013!

HAFATRA HO ANAO

Hameno fahendrena sy fahiratan-tsaina ho anao olony Kristy « ka efa nofenoiny fanahin'Andriamanitra, dia fahendrena sy fahiratan-tsaina sy fahalalana ny amin'ny tao-zavatra samy hafa, » (Eksodosy 35:31)
ekeo ary izany @ izao faran'ny taona izao dia hataony hamirapiratra ianao
« Ary hitan'ny Zanak'Isiraely ny tavan'i Mosesy, fa, indro, namirapiratra ny hoditry ny tavany;... » (Eksodosy 34:35a)
MATOKIA!
TRATRY NY FARANY E !!!

IZAY HENDRY IHANY NO AFAKA TENA HANDRAY FANANARANA

Ry olon'i Kristy-Tandremo sao manome modely ratsy an'Andriamanitra eo anatrehan'ny jentilisa
« Fa araka ny voasoratra, dia ianareo no itenenana ratsy ny anaran'Andriamanitra any amin'ny jentilisa (Isa. 52. 5). » (Romana 2:24)
aleo mitandrina ny Teniny dia higoka fahasambarana
« Fa Izy nanao hoe: Eny tokoa, kanefa mainka sambatra aza ny mihaino ny tenin'Andriamanitra ka mitandrina izany. » (Lioka 11:28)
HO TSAPANAO IZANY HAMAMIN’NY FIADANANA ANATY MIARAKA AMINY !!
MATOKIA !!
MAHEREZA.

VOATENDRY HANAMBARA NY TENA FAMONJENA IANAO OLON’I KRISTY

Ry olon'i Kristy ambarao fa izay tsy manao ny sitrapon'Andriamanitra dia tsy ambinina
« Ary Zakaria, zanak'i Joiada mpisorona, notsindrian'ny Fanahin'Andriamanitra, dia nitsangana teo amin'ny avoavo teo anatrehan'ny vahoaka izy ka nanao taminy hoe: Izao no lazain'Andriamanitra: Nahoana ianareo no mandika ny didin'i Jehovah ka tsy mahita fanambinana? Satria efa nahafoy an'i Jehovah ianareo, dia nahafoy anareo kosa Izy. » (2 Tantara 24:20).
ary na iza na iza mibebaka dia hahazo famonjena
« Koa raha mba homen'Andriamanitra azy ny fanomezana, tahaka antsika fony isika vao nino an'i Jesosy Kristy Tompo dia iza moa aho no hahasakana an'Andriamanitra?Ary rehefa nandre izany ireo, dia nangina sady nankalaza an'Andriamanitra ka nanao hoe: Efa nomen'Andriamanitra ny jentilisa koa ny fibebahana hahazoany fiainana. » (Asan'ny Apostoly 11:17-18)
SAHIA!
MATOKIA FA HO MARO NO HIOVA FO @ IZAO FARAN’NY TAONA IZAO !!!

MANANA KINTANA MPITARI-DALANA IANAO OLON’I KRISTY

Ny Fanahy Masina dia tahaka ny kintana hitari-dalana anao hanakaiky kokoa hatrany an'i Kristy
« ...; ary, indro, ilay kintana hitany teny atsinanana nialoha azy mandra-pijanony teo ambonin'izay nitoeran'ny Zazakely. » (Matio 2:9b)
sady hampitombo ny fanoloran-tenananao ho Azy izany
« Ary rehefa tafiditra tao an-trano izy, dia nahita ny Zazakely sy Maria reniny ka niankohoka teo anatrehany; ary nony efa nosokafany ny fitehirizan-drakiny, dia nanolotra zavatra ho Azy izy, dia volamena sy zava-manitra ary miora. » (Matio 2:11)
HO TSAPANAO MANTSY NY TOMBOM-PIADANANA ANATY HANANANAO REHEFA EO ANILANAO ILAY MPAMONJINAO !!
MATOKIA !
MAHEREZA !

AZA VARIANA MANDRAY FITAHIANA FA MAZOTOA MITORY HO AN’NY HAFA

Hihaino anao olony ny Tompo
« Ary amin'izany andro izany dia hihaino* Aho, hoy Jehovah, eny, hihainoa ny lanitra Aho, ary izy kosa hihaino ny tany; [Na: hamaly] » (Hosea 2:23)
hovoatahy @ lafiny rehetra ianao
« Ary ny tany kosa hihaino ny vary sy ny ranom-boaloboka ary ny diloilo; Ary ireo kosa dia hihaino an'i Jezirela, Dia hafafiko ho Ahy amin'ny tany izy; Ary hamindra fo amin'i Lò-rohama* Aho sady hanao amin'i Lò-amy hoe: Oloko ianao; Ary izy kosa hanao hoe: Andriamanitro Hianao.[Izahao i. 6] » (Hosea 2:24-25)
Ho setrin'izany anefa dia mila mitory mba tsy ho very izay tsy mahalala Azy
« Ringana ny oloko noho ny tsi-fisian'ny fahalalana. Satria ianao efa nandà ny fahalalana, dia mba holaviko kosa tsy ho mpisoroko intsony; Ary efa nanadino ny lalan'Andriamanitrao ianao, ka dia mba hohadinoiko kosa ny zanakao. » (Hosea 4:6)
MILA ANAO OLONY NY TOMPO !
NY HAMONJY NY REHETRA MANTSY NO NAHATONGAVAN’I KRISTY TETO AN-TANY !!!
MAZOTOA !
MAHEREZA !

KRISTY VE?

Tonga teto an-tany mba hanao ny asa izay nanirahan'ny Tompo Azy
« Isika tsy maintsy manao ny asan'izay naniraka Ahy, raha mbola antoandro; .... » (Jaona 9:4a),
ho fahazavan'izao tontolo izao
« Raha amin'izao tontolo izao Aho, dia fahazavan'izao tontolo izao. » (Jaona 9:5)
sy hampahiratra ny fiainanao
« Ary hoy Izy taminy: Andeha, sasao ny masonao any amin'ny farihy Siloama (izay atao hoe, raha adika, Nirahina). Dia lasa izy ka nanasa, dia niverina nahiratra. » (Jaona 9:7)
HITSIMBADIKA HO ANY @ TSARA KOKOA HATRANY NY FIAINAM-PANAHINAO SATRIA NEKENAO HOTANTANAN’I KRISTY E !
SA AHOANA ?
MAHEREZA !!