FAHEFANA MIAVAKA NO ANANAN’NY OLON’I KRISTY ROA MIFANAIKY

Ry olon'i Kristy fantaro fa izay fehezinao ety an-tany no ho fehezin'ny any an-danitra,

 « Lazaiko aminareo marina tokoa: Na inona na inona fehezinareo ety ambonin'ny tany dia hofehezina any an-danitra; ary na inona na inona vahanareo ety ambonin'ny tany dia hovahana any an-danitra. » (Matio 18:18),

fa tokony hisy roa mifanaiky anefa aloha hifehy izany ,

« Ary lazaiko aminareo koa: Raha misy roa aminareo mifanaiky ety ambonin'ny tany na amin'inona na amin'inona ka hangataka izany, dia ho azony avy amin'ny Raiko Izay any an-danitra izany. » (Matio 18:19).

AMPIASAO FA TESTAMETA HO ANAO IZANY !

VAVAKA : RAY O ! MIDERA SY MANKALAZA ANAO FA AVELANAO HIARA HIASA AVY HATRANY @ FANJAKANAO ANY AN-DANITRA IZAY OLONAO 2 MIFANAIKY ! @ ANARAN’I JESOSY KRISTY VELONA AVY ANY NAZARETA !

ANKOHONANA VOATAHY NY ANKOHONANAO OLON’I KRISTY

Ny finoanao an'i Kristy dia antoky ny famonjena anao sy ny ankohonanao,

 « Minoa an'i Jesosy Tompo, dia hovonjena ianao sy ny ankohonanao. » (Asan'ny Apostoly 16:31),

ho voaporofo fa olona natsoin'ny Tompo handova ny teny fikasana ianareo,

 « fa ny teny fikasana dia ho anareo sy ny zanakareo ary ho an'izay rehetra lavitra, na iza na iza hantsoin'i Jehovah Andriamanitsika hanatona Azy. » (Asan'ny Apostoly 2:39).

FIKIRO DIA IAINO AVY HATRANY ARY IZANY E !

VAVAKA :RAY O ! SAMBATRA AHO FA NANTSOINAO HIVERINA AMINAO ! SAMBATRA AHO HIGOKA IREO TENY FIKASANA IZAY EFA MENDRIKA HO AHY SY NY ANKOHONAKO !@ ANARAN’I JESOA KRISTY VELONA AVY ANAY NAZARETA AMEN !

HIATRIKA FIAINAM-BAOVAO TANTERAKA IANAO OLON’I KRISTY

Izay tena mino an'i Kristy dia hahiratra ny masom-panahiny ka hanara-dia Azy manomboka eo ,

« Ary hoy Jesosy taminy: Mandehana ianao, ny finoanao no efa namonjy anao. Dia nahiratra niaraka tamin'izay ny masony, ka nanaraka an'i Jesosy teny an-dalana izy. » (Marka 10:52),

ary hiaiky fa avy Aminy ilay fanjakana avo indrindra ,

« Hotahina anie ny fanjakana izay avy, dia ny an'i Davida raintsika! Hosana any amin'ny avo indrindra. » (Marka 11:10).

MATOKIA ! SAMBATRA IANAO MANANA AZY !

VAVAKA : SAMBATRA AHO JESO O ! MANANA ANAO TOMPON’NY HERY !AMEN!

RESEO LAHATRA NY TOMPO

Ankalazao fa rehefa resy lahatra ny Tompo fa hiova ny olona na ny tanàna na ny firenena iray dia Izy no hanafaka sy hanala ny famaizana rehetra ,

« Ary rehefa hitan'Andriamanitra ny nataon'ireo ny amin'ny nialany tamin'ny lalan-dratsiny, dia nanenina Izy ny amin'ny loza izay nolazainy hamelezany azy, ka tsy nataony izany. » (Jona 3:10).

MATOKIA!

VAVAKA :  RAY O ! MIFONA AMINAO IZAHAY FA TSY MISY TANTERAKA NA DIA IRAY AZA ARY VONONA IZAHAY NY HIOVA KA HANAIKY HOTARIHINAO BE BE KOKOA HATRANY @ ANARAN’I JESOA KRISTY VELONA AVY ANY NAZARETA AMEN !

TSAROVY !

Misy toetra tsara ho fantatra:Soloina ny zavatra nindramina raha simba ,

« Ary raha misy olona mindran-javatra amin'ny namany, ka simba na maty izany, nefa tsy mba teo aminy ny tompon-javatra, dia hanonitra tokoa izy. » (Eksodosy 22:13),

rehefa samy ao @ Tompo dia afaka mifampindram-bola fa tsy misy zanany,

 « Raha mampisambo-bola ny oloko izay malahelo eo aminao ianao, dia tsy ho toy ny mpampanana vola aminy; fa tsy hampandoa zana-bola azy ianao. » (Eksodosy 22:24).

ALEO MIFAMPITSINJO RAHA MBOLA AZO ATAO !

VAVAKA : RAY O ! MISAOTRA ANAO MAMPATSIAHY IREO TOETRA TOKONY HIFAMPITONDRANAY OLONAO ARY AMPIO IZAHAY HANATANTERAKA IZANY @ ANARAN’I JESOA KRISTY VELONA AVY ANY NAZARETA AMEN !

IZAO ILAY FOTOANANAO OLON’I KRISTY

Voasoratra fa @ izany andro izany dia hihaino Aho,

 « Ary amin'izany andro izany dia hihaino Aho, hoy Jehovah, eny, hihaino ny lanitra Aho, ary izy kosa hihaino ny tany; » (Hosea 2:23),

ary ny tany koa hihaino ka hamokatra be,

 « Ary ny tany kosa hihaino ny vary sy ny ranom-boaloboka ary ny diloilo; .., » (Hosea 2:24a),

zonao olon'i Kristy no mahazo izany izao,

 « Fa izay rehetra mangataka no mahazo; ary izay mitady no mahita; ary izay mandondòna no hovohana. » (Matio 7:8).

MINOA !

VAVAKA : RAY O ! MINO AHO FA MIHAINO IANAO KA HAMPAHERY IREO TANTSAHA KA HAMPAMOKATRA NY TANINAY @ FOMBANAO @ ANARAN’I JESOSY KRISTY VELONA AVY ANY NAZARETA AMEN !

HANA AO @ KRISTY IANAO

Sahy mitaraina t@ ny Tompo,

 « Aza mba atao ho vehivavy tena ratsy fanahy ny ankizivavinao; fa ny haben'ny fahoriako sy ny alaheloko no nitenenako mandraka ankehitriny. » (1 Samoela 1:16),

handray teny fikasana,

 « Dia namaly Ely ka nanao hoe: Mandehana soa aman-tsara; ary homen'Andriamanitry ny Isiraely anao anie izay nangatahinao taminy. » (1 Samoela 1:17),

hahazo valim-bavaka,

 « Ary tamin'ny fahatanterahan'ny andro dia nanan'anaka Hana ka nitera-dahy, ary ny anarany nataony hœ Samoela*, fa hoy izy: Tamin'i Jehovah no nangatahako azy.[Samoela = Nohenoin'Andriamanitra (?)] » (1 Samoela 1:20),

hanatanteraka ny teny nifanekena,

 « Koa atolotro ho an'i Jehovah kosa izy: eny, amin'ny andro rehetra hiainany dia voatolotra ho an'i Jehovah izy. Dia nivavaka tamin'i Jehovah izy. » (1 Samoela 1:28).

MATOA VOASORATRA DIA HO TANTERAKA !MINOA !

VAVAKA : RAY O ! MISAOTRA SY MIDERA ARY MANKALAZA ANAO AHO FA HAMALY NY FITARAINAKO IANAO !@ ANARAN’I JESOSY KRISTY VELONA AVY ANY NAZARETA !AMEN !

HANAFAKA ANAO OLONY @ FOMBANY KRISTY:

Ry olon’I Kristy tsy havelan’Andriamanitra ho afa-baraka ianao ,

« Aza matahotra, fa tsy ho menatra ianao; ary aza mangaihay, fa tsy havela ho afa-baraka ianao; ... » (Isaia 54:4ab),

hamindra fo aminao mandrakizay Izy ,

« Tamin'ny firehetan'ny fahatezerako no nanafenako ny tavako taminao indray mipi-maso monja, fa amin'ny famindram-po mandrakizay kosa no amindrako fo aminao, hoy Jehovah, Mpanavotra anao. » (Isaia 54:8).

MINOA !IAINO DIENY IZAO ARY IZANY!MAHEREZA!

VAVAKA:RAY O!MIDERA SY MANKALAZA ANAO AHO!MISAOTRA ANAO HANDRAY AN-TANANA NY FIAINAKO MANONTOLO! SAHIKO AVY HATRANY NO MIHIKA HOE:”AFAKA AHO!”@ ANARAN’ JESOSY KRISTY VELONA AVY ANY NAZARETA AMEN!

MIAVAKA NY TOMPONAO

Nandresy ny fahafatesana Kristy ,

« ary fantatsika fa rehefa nitsangana tamin'ny maty Kristy, dia tsy maty intsony Izy; tsy manan-kery aminy intsony ny fahafatesana. » (Romana 6:9),

ary ianao izay ondriny dia homeny fiainana mandrakizay sady tsy hisy andrombaka azy @ tanany,

 « Ny ondriko mihaino ny feoko, ary Izaho mahalala azy, ary izy manaraka Ahy, ary Izaho manome azy fiainana mandrakizay, ka tsy ho very izy mandrakizay, ary tsy hisy handrombaka azy amin'ny tanako. » (Jaona 10:27-28). .

DERAINA NY TOMPO E !VELONA MANDRAKIZAY IZY!!

VAVAKA : KRISTY O ! MISAOTRA ANAO NANAIKY NIJALY NOHO NY FAHOTANAY ! MISAOTRA ANAO NANAVOTRA ANAY !MISAOTRA ANAO MIAHY ANAY ! DERAINA MANDRAKIZAY NY ANARANAO ! AMEN!

MPANOMPO MAHATOKY @ FOMBAN’ANDRIAMANITRA IANAO OLONY

Ireo mpianatr'i Kristy tany @ mangingina no nangataka tany @ mpitondra hikarakara Azy,

"Ary rehefa afaka izany, Josefa avy any Arimatia (mpianatr'i Jesosy izy, nefa tamin'ny mangingina ihany noho ny fahatahorany ny Jiosy) dia nangataka tamin'i Pilato, mba hahazoany manaisotra ny fatin'i Jesosy. Ary nanaiky Pilato. Dia lasa izy ka nanaisotra ny fatin'i Jesosy.Ary tonga koa Nikodemosy (ilay nankao amin'i Jesosy nony alina tamin'ny voalohany) ka nitondra miora sy hazo manitra voaharoharo, tokony ho zato livatra." Jaona19:38-39.

TSY VOATERY MISEHO IANAO VAO HAHOMBY @ ASAN'ANDRIAMANITRA!MAHEREZA.

VAVAKA : RAY O ! MIDERA SY MANKALAZA ANAO AHO FA MAMPAHERY AHY @ FOMBANAO EO ASA FAMPOAKO IANAO !@ ANARAN’I JESOA KRISTY VELONA AVY ANY NAZARETA AMEN !

DAVIDA AO @ I KRISTY IANAO(2)

Manana 40 taona afaka hanompoana,

 « Ary ny andro nanjakany tamin'ny Isiraely dia efa-polo taona; ... » (1 Tantara 29:27a),

hanana harena be sy taranaka handimby,

« Ary maty izy rehefa tratrantitra tsara sady lava andro ary be harena sy voninahitra; ary Solomona zanany no nanjaka nandimby azy.[Heb. voky andro sy harena ary voninahitra] » (1 Tantara 29:28),

izay efa voafaritra mialoha,

« Ary ny tantaran'i Davida mpanjaka, na ny voalohany na ny farany, indro fa efa voasoratra ao amin'ny bokin'i Samoela mpahita sy ao amin'ny bokin'i Natana mpaminany ary ao amin'ny bokin'i Gada mpahita izany, » (1 Tantara 29:29).

MATOKIA ! HOMBA ANAO @ FOMBANY NY TOMPO !

VAVAKA : KRISTY O ! MIDERA SY MANKALAZA ANAO AHO SATRIA TSAPAKO FA MANANA DRAFITRA TSARA HO AHY SY NY TARANAKO IANAO  AMEN !

AOKA HITSARA AM-PAHAMARINANA

 Aoka tsy hizaha tavan'olona rehefa mitsara,

 « Izao koa no tenin'ny hendry: Tsy mety raha mizaha tavan'olona amin'ny fitsarana. »

(Ohabolana 24:23),

satria miteraka ozona izany,

 « Izay manao amin'ny meloka hœ: Marina ianao, Dia hozonin'ny olona sady ho halan'ny firenena; » (Ohabolana 24:24),

hiteraka fitahiana kosa ny fitsarana marina,

 « Fa izay mitsara marina kosa no hahita soa sy hahazo fitahiana tsara. » (Ohabolana 24:25).

KATSAHO ILAY FIADANANA !

VAVAKA :RAY O !IANAO ILAY FAHAMARINANA ,TEFEO IZAHAY MBA HAHALALA BEBE KOKOA HATRANY NY SITRAPONAO ARAKA NY TARIDALAN’NY FANAHINAO MASINA @ ANARAN’I JESOA KRISTY VELONA AVY ANY NAZARETA AMEN !

DAVIDA AO @ I KRISTY IANAO

Ny Tompo no nifidy anao ho mpandresy eo anoloan'ny fahavalo,

 « koa tanteraho izany ankehitriny, fa Jehovah efa nilaza an'i Davida hœ: Amin'ny tànan'i Davida mpanompoko no hamonjeko ny Isiraely oloko ho afaka amin'ny tanan'ny Filistina sy amin'ny tanan'ny fahavalony rehetra. » (2 Samoela 3:18),

Izy koa no hanendry olona hanampy anao hahatanteraka izany,

 « Ary hoy Abnera tamin'i Davida: Hiainga aho, dia handeha hamory ny Isiraely rehetra ho ety aminao mpanjaka tompoko, mba hanaovany fanekena aminao ary hanjakanao amin'izay rehetra irin'ny fonao. Ary Davida nampandeha an'i Abnera; ka dia lasa soa aman-tsara izy. »

(2 Samoela 3:21).

SAHIA MIJORO H@ FARANY ARY NY HOAVY NO HANAMARINA IZANY !

VAVAKA : RAY O ! MANAIKY AHO FA MANANA PLANINA TSARA HO AHY IANAO !@ ANARAN’I JESOSY KRISTY VELONA AVY ANY NAZARETA AMEN !

MAHERY NY ANARAN’I KRISTY

 Mahavonjy ny finoana an'i Kristy,

 « Ary hoy Izy tamin-dravehivavy: Ny finoanao efa namonjy anao; mandehana soa aman-tsara. » (Lioka 7:50),

na nanana kilema nandritry ny taona maro aza ianao dia hoesoriny izany,

 « Ary niantsambotra izy ka nijoro, dia nitsangantsangana ary niara-niditra taminy ho eo an-kianjan'ny tempoly, nitsangantsangana ny niantsambotsambotra sady nidera an'Andriamanitra. » (Asan'ny Apostoly 3:8),

ho vavolombelon'ny herin'ny Anarany ,

« Ary ny anarany no nampahatanjaka io lehilahy hitanareo sy fantatrareo io noho ny finoana ny anarany; eny, ny finoana izay azo amin'ny alalany no nahazoany izao fahasitranana tsara eto imasonareo rehetra izao. » (Asan'ny Apostoly 3:16).

MINOA !MINOA !MINOA !

VAVAKA :@ ANARANAO JESOA KRISTY VELONA AVY ANY NAZARETA MIALA NY SAKANA REHETRA TSY HAMPATANJAKA AHY NA ARAM-BATANA,NA ARA-TSAINA,INDRINDRA ARAM-PANAHY ! AMEN !

MANOATRA NOHO NY MPANDRESY IANAO OLON’I KRISTY

Na dia tsy manana fitaovana tahaka ny an'ny fahavalo aza ianao,

 « Ary tamin'ny andro niadiana dia tsy nisy sabatra na lefona hita teny an-tànan'ny vahoaka rehetra izay eo amin'i Saoly sy Jonatana; fa tamin'i Saoly sy Jonatana zanany ihany no nisy. » (1 Samoela 13:22),

nefa irahin'ny Tompo ifanandrina aminy,

 « Fa raha hoy kosa izy: Miakara ety aminay, dia hiakatra isika, fa efa natolotr'i Jehovah eo an-tanantsika izy; ary izany no ho famantarana ho antsika. » (1 Samoela 14:10),

dia Izy no hampandresy anao,

 « Ary Jehovah namonjy ny Isiraely tamin'izany andro izany; ... » (1 Samoela 14:23a).

MATOKIA ! SAHIA MIATRIK’ADY FA HOMBA ANAO NY TOMPO !

VAVAKA :RAY O ! MANAIKY AHO RAHA ASAINAO MIATRIKA NY FAHAVALOKO SATRIA IANAO NO HIADY HO AHY FA IZAHO KOSA HANGINA !@ ANARAN’I JESOSY KRISTY VELONA AVY ANY NAZARETA AMEN !

RAISO IREO FITAHIANA MENDRIKA ANAO

Mety hatahotra ianao raha nahazo fahazoavana tsy nampoizina,

 « Dia hoy izy tamin'ireo rahalahiny: Naverina ny volako, ka, indro, eo anatin'ny lasakako izany; dia ketraka ny fony, ary nifampijery amin-tahotra izy ka niresaka hœ: Inona izao ataon'Andriamanitra amintsika izao ? » (Genesisy 42:28),

nefa izao no tsarovy efa nahazo tso-drano mahery ianao ary mioty ny vokany izao,

 « ho amintsika ny fahasoavana sy ny famindram-po ary ny fiadanana avy amin'Andriamanitra Ray sy Jesosy Kristy, Zanaky ny Ray, amin'ny fahamarinana sy ny fitiavana. » (2 Jaona 3).

MIFALIA ! DERAO NY TOMPONAO !

VAVAKA :RAY O ! MIDERA SY MANKALAZANAO AHO ARY RAISIKO SY HINOKO FA HIATRA @ FIAINAKO IREO TSO-DRANO MAFONJA EFA NOMENAO AHY !@ ANARAN’I JESOA KRISTY VELONA AVY ANY NAZARETA AMEN !

MANAFAKA NY ANARAN’I KRISTY

Ny Fahamarinana avy @ Andriamanitra dia ny finoana marina an'i Kristy?

 « dia ny fahamarinana avy amin'Andriamanitra amin'ny finoana an'i Jesosy Kristy ho an'izay rehetra mino; fa tsy misy hafa, » (Romana 3:22),

ary Izy Andriamanitra mihitsy no hanamarina izany eo @ fiainanao,

 « mba hanehoana ny fahamarinany ankehitriny, mba ho marina Izy sady hanamarina izay manana finoana an'i Jesosy. » (Romana 3:26). 

MATOKIA!

VAVAKA ! KRISTY O ! MINO AHO FA MPANAFAKA IANAO ARY VONONA AHO NY HIOVA KA HINO SY HANKATO ANAO !AMEN !

RAISO HO ANAO NY TANINAY KRISTY O

Eo @ tanin'ny taranak'i Abrahama dia ho voahozona izay manozona azy ireo,

 « ary hitahy izay manisy soa anao Aho, fa hanozona izay manozona anao; ary aminao no hitahiana ny firenena rehetra ambonin'ny tany. » (Genesisy 12:3),

izay an'i Kristy anefa dia taranak'i Abrahama,

 « Fa raha an'i Kristy ianareo, dia taranak'i Abrahama sy mpandova araka ny teny fikasana. » (Galatiana 3:29).

SAHIA MILAZA:MADAGASIKARA AN'KRISTY !

VAVAKA :KRISTY O ! EFA ANAO NY TANINAY TSY AMELANAY RAHA TSY  TANTERAKA NY TENY FIKASANA FA HO TANY MIAVAKA NY NOSINAY !AMEN !

ALEO MANKATO IZAY IRAKA NANIRAHANA

Izay sitrapon'ny Tompo tsy tanterahina dia hanadinana?

 « Fa izay tsy nahalala kosa ka nanao izay zavatra tokony hikapohana azy dia hokapohina kely. Fa izay nomena be, dia be no hotadiavina aminy; ary izay nampitehirizina be, dia bebe kokoa no hadinina aminy. » (Lioka 12:48),

noho izany aleo mibebaka ?

« Tsia, hoy Izaho aminareo; fa raha tsy mibebaka ianareo, dia ho ringana tahaka azy koa ianareo rehetra. » (Lioka 13:3),

mandray famelan-keloka?

 « Raha miaiky ny fahotantsika isika, dia mahatoky sy marina Izy ka mamela ny fahotantsika sy manadio antsika ho afaka amin'ny tsi-fahamarinana rehetra. » (1 Jaona 1:9),

dia manova toe-tsaina?

 « Ary aza manaraka ny fanaon'izao tontolo izao; fa miovà amin'ny fanavaozana ny saina, hamantaranareo ny sitrapon'Andriamanitra, dia izay tsara sady ankasitrahana no marina.  » (Romana 12:2).

SAHIA !

VAVAKA : RAY O ! MIFONA AMINAO FA VARIANA @ FILAN’NY TENANAY SY IZAY METY @ SAINAY IZAHAY ,MAMELA ANAY ARY TARIHO IZAHAY @ IZAY ANDRAIKITRA TIANAO ATAONAY !@ ANARAN’I JESOSY KRISTY VELONA AVY ANY NAZARETA AMEN !

IRAY NO MPIANDRY DIA I KRISTY

Kristy no Mpiandry anao olony ary fantany ianao,

 « Izaho no Mpiandry Tsara; ary fantatro ny Ahy, sady fantany Aho, » (Jaona 10:14),

manana tanjona izay tsy maintsy ho tanteraka Izy dia ny hahatonga ny ondriny ho andiany IRAY,

 « Manana ondry hafa izay tsy amin'ity vala ity Aho; ary ireny koa dia tsy maintsy ho entiko ka hihaino ny feoko; ary ho tonga andiany iray izy, sady iray ihany ny Mpiandry. » (Jaona 10:16).

MANEKE HO MPIARA-MIASA @ ONDRY HAFA HANAFAINGANANA IZANY E !

VAVAKA : KRISTY O ! TEFEO IZAHAY MBA HAKATO ILAY PLANINA TSARA EFA VOATENDRINAO DIA NY HAMPIRAY SAINA ANAY OLONAO ! AMEN !

MIJOROA HO MPITONDRA NY HAFATR’I KRISTY

Mosesy no irak'Andriamanitra teo anatrehan'i Farao,

 « Ary hoy Jehovah tamin'i Mosesy: Indro, efa nataoko andriamanitra ho an'i Farao ianao; ary Arona rahalahinao kosa ho mpaminaninao. » (Eksodosy 7:1),

Farao kosa dia ilay mafy fo tsy nety nino iLay hafatra,

« Ary Izaho hanamafy ny fon'i Farao sy hanamaro ny famantarana sy ny fahagagana izay hataoko eto amin'ny tany Egypta. » (Eksodosy 7:3),

FIDIO NY HO MOSESY AO @KRISTY!SA AHOANA?

VAVAKA :KRISTY O ! INTY AHO MANAVAO NY FANOLORANTENAKO HO IRAKAO ! AMEN !

POROFOY FA OLON’I KRISTY VOAVELA HELOKA IANAO

 Izay nahazo famindram-po t@ ny Tompo

 « Dia niankohoka teo anatrehany ilay mpanompo ka nanao hœ: Tompoko, omeo andro aho, fa haloako ny anao rehetra.Ary ny tompon'izany mpanompo izany dia onena azy ka nandefa azy sady namoy ny trosa taminy. » (Matio 18:26-27),

dia tsy maintsy mamindra fo ho an'ny hafa mba tsy ho azon'ny famaizana,

 « moa tsy tokony mba ho namindra fo tamin'ny mpanompo namanao koa va ianao tahaka ny namindrako fo taminao? Dia tezitra ny tompony ka nanolotra azy ho amin'ny mpampijaly mandra-pandoany ny trosa rehetra. » (Matio 18:33-34).

VITANAO OLON'I KRISTY IZANY!

VAVAKA :KRISTY O ! OLOM-BAOVAO AO AMINAO AHO NEFA TATANO NY DIAKO MBA HAHAIZAKO MITAHIRY ILAY FAHASOHAVANA VOARAIKO ! AMEN !

MIJOROA HO MPITONDRA NY HAFATR’I KRISTY

Mosesy no irak'Andriamanitra teo anatrehan'i Farao,

 « Ary hoy Jehovah tamin'i Mosesy: Indro, efa nataoko andriamanitra ho an'i Farao ianao; ary Arona rahalahinao kosa ho mpaminaninao. » (Eksodosy 7:1),

Farao kosa dia ilay mafy fo tsy nety nino iLay hafatra ,

« Ary Izaho hanamafy ny fon'i Farao sy hanamaro ny famantarana sy ny fahagagana izay hataoko eto amin'ny tany Egypta. » (Eksodosy 7:3),

FIDIO NY HO MOSESY AO @KRISTY!SA AHOANA?

VAVAKA :KRISTY O ! INTY AHO MANAVAO NY FANOLORANTENAKO HO IRAKAO ! AMEN !

IRAY NO MPIANDRY DIA I KRISTY

Kristy no Mpiandry anao olony ary fantany ianao

 « Izaho no Mpiandry Tsara; ary fantatro ny Ahy, sady fantany Aho, » (Jaona 10:14),

manana tanjona izay tsy maintsy ho tanteraka Izy dia ny hahatonga ny ondriny ho andiany IRAY « Manana ondry hafa izay tsy amin'ity vala ity Aho; ary ireny koa dia tsy maintsy ho entiko ka hihaino ny feoko; ary ho tonga andiany iray izy, sady iray ihany ny Mpiandry. » (Jaona 10:16).

MANEKE HO MPIARA-MIASA @ ONDRY HAFA HANAFAINGANANA IZANY E !

VAVAKA : KRISTY O ! TEFEO IZAHAY MBA HAKATO ILAY PLANINA TSARA EFA VOATENDRINAO DIA NY HAMPIRAY SAINA ANAY OLONAO ! AMEN !

ALEO MANKATO IZAY IRAKA NANIRAHANA

Izay sitrapon'ny Tompo tsy tanterahina dia hanadinana

 « Fa izay tsy nahalala kosa ka nanao izay zavatra tokony hikapohana azy dia hokapohina kely. Fa izay nomena be, dia be no hotadiavina aminy; ary izay nampitehirizina be, dia bebe kokoa no hadinina aminy. » (Lioka 12:48),

noho izany aleo mibebaka 

« Tsia, hoy Izaho aminareo; fa raha tsy mibebaka ianareo, dia ho ringana tahaka azy koa ianareo rehetra. » (Lioka 13:3),

mandray famelan-keloka  

« Raha miaiky ny fahotantsika isika, dia mahatoky sy marina Izy ka mamela ny fahotantsika sy manadio antsika ho afaka amin'ny tsi-fahamarinana rehetra. » (1 Jaona 1:9),

dia manova toe-tsaina

 « Ary aza manaraka ny fanaon'izao tontolo izao; fa miovà amin'ny fanavaozana ny saina, hamantaranareo ny sitrapon'Andriamanitra, dia izay tsara sady ankasitrahana no marina.  » (Romana 12:2).

SAHIA !

VAVAKA : RAY O ! MIFONA AMINAO FA VARIANA @ FILAN’NY TENANAY SY IZAY METY @ SAINAY IZAHAY ,MAMELA ANAY ARY TARIHO IZAHAY @ IZAY ANDRAIKITRA TIANAO ATAONAY !@ ANARAN’I JESOSY KRISTY VELONA AVY ANY NAZARETA AMEN !

ROMBAHO IREO TENY FIKASANA MENDRIKA ANAO RY MALAGASY

Ny tanjon'Andriamanitra dia ny hamonjy ny Isiraely rehetra 
« ary amin'izany dia hovonjena avokoa ny Isiraely rehetra, - araka ny voasoratra hœ: Hivoaka avy any Ziona ny Mpanafaka, Ary hampiala ny haratsiam-panahy amin'i Jakoba Izy; » (Romana 11:26),
fanekena nataony taminy izany,
 « Fa izao no fanekena hataoko amin'ny taranak'isiraely, Rehefa afaka izany andro izany, hoy Jehovah: Dia hataoko ao an-tsainy ny lalàko, Sady hosoratako ao am-pony, Ary Izaho ho Andriamaniny, ary izy ho oloko; » (Hebreo 8:10),
ary mendrika ho an'ny Malagasy ao @Kristy 
« Fa raha an'i Kristy ianareo, dia taranak'i Abrahama sy mpandova araka ny teny fikasana. » (Galatiana 3:29).
MINOA ARY IAINO DIENY IZAO NY FIFOHAZAM-PANAHY !
VAVAKA :RAY O ! TSY AMPIDINA TANANA INTSONY IZAHAY ARY TSY AVELANAY RAHA TSY LASANAO NY TANINAY !@ ANARAN’I JESOA KRISTY VELONA AVY ANY NAZARETA AMEN !

AZA MANADINO NY TANINDRAZANAO

Ataovy ho fifaliana ho anao ary tsara raha hanaovanao fanekena mihitsy izany hoe tsy hanadino ny tany na ny jerosalema izay nomen'ny Tompo anao ianao ,

« Raha manadino anao aho, ry Jerosalema ô, Aoka kosa ny tanako ankavanana mba hanadino. Raha tsy mahatsiaro anao aho, Aoka ny lelako hiraikitra amin'ny lanilaniko, Raha tsy Jerosalema no ataoko ambony indrindra amin'ny fifaliako rehetra. » (Salamo 137:5-6)

.MATOA NOMENY DIA MENDRIKA ANAO !SA TSY IZANY ?
VAVAKA :RAY O ! MISAOTRA ANAO AHO FA NATAONAO HO MALAGASY ARY HO TIAVIKO SY ATOLOTRO HO ANAO NY TANINDRAZAKO @ ANARAN’I JESOSY KRISTY VELONA AVY ANY NAZARETA AMEN !