DERAO NY TOMPO HO MARIKY NY FINOANA FA HAHAZO VALIM-BAVAKA IANAO

Nidera an'Andriamanitra i Hana satria nanao fahagagana teo @ fiainany ny Tompo
« Ary Hana nivavaka ka nanao hoe: Ny foko ravoravo amin'i Jehovah, Ny tandroko voasandratra amin'i Jehovah; ny vavako misokatra hamaly ny fahavaloko; fa mifaly amin'ny famonjenao aho.Tsy misy masina tahaka an'i Jehovah, fa tsy misy afa-tsy Hianao; ary tsy misy vatolampy tahaka an'Andriamanitsika . » (1 Samoela 2:1-2)
nidera Azy torak'izany koa i Maria
« Ary hoy Maria: Ny foko mankalaza ny Tompo,Ary ny fanahiko efa ravoravo tamin'Andriamanitra, Mpamonjy ahy; » (Lioka 1:46-47)
anjaranao izao
« Inona ary no holazaintsika ny amin'izany zavatra izany? Raha Andriamanitra momba antsika, iza no hahatohitra antsika?Izay tsy niaro ny Zanani-lahy, fa natolony hamonjy antsika rehetra Izy, tsy homeny antsika miaraka aminy maimaimpoana koa va ny zavatra rehetra? » (Romana 8:31-32)
MATOKIA FA HIHETSIKA HO ANAO NY TONTOLON’NY LANITRA!!!

TSY MAHAZO MAHATOKY TENA NY OLON’I KRISTY

Mila mailo sy mitandrina hatrany ianao olon'i Kristy
« Koa izay manao azy fa efa mijoro tsara, dia aoka izy hitandrina, fandrao ho lavo. » (1 Korintiana 10:12)
mba tsy himonomonona
« Ary aoka tsy himonomonona ianareo tahaka ny sasany tamin'ireny, izay matin'ny mpandringana. » (1 Korintiana 10:10)
fa tena hanetry tena eo am-panatanterahana ny asa
« Raha izaho ary, dia mihazakazaka, nefa tsy toy ny manao kitoatoa; ary mamely totohondry aho, nefa tsy toy ny mamely ny rivotra;fa asiako mafy ny tenako ho mangana ka andevoziko, fandrao, na dia efa nitory tamin'ny sasany aza aho, dia holavina kosa ny tenako. » (1 Korintiana 9:26-27)
MAHEREZA!
HITONDRA HOSOTRA VAOVAO HO ANAO HATRANY NY FAHATSAPANAO FA TSY TOMPON’NY TENANAO IANAO FA TEMPOLIN’ANDRIAMANITRA E!!!

ANY @ KRISTIANINA IHANY NO VAHA-OLANA

Mba hanamora ny firaisantsainan'ny Kristiana
« mba ho saina iray sy vava iray no hiarahanareo mankalaza an'Andriamanitra, Rain'i Jesosy Kristy Tompontsika. » (Romana 15:6)
dia mila miara-miharitra sy mionona ao @ Kristy
« Fa Andriamanitry ny faharetana sy ny fiononana anie hampiray hevitra anareo araka an 'i Kristy Jesosy, » (Romana 15:5)
VOKANY-hanaiky sy hidera Azy h@ jentilisa
« Ary koa: Midera'an'i Jehovah, ry jentilisa rehetra. Ary aoka hankalaza Azy ny firenena rehetra (Sal. 117. 1). » (Romana 15:11)
EFA ELA NY TOMPO NO NANOME NY FANALAHIDY!
TONGA NY FOTOANA TENA HAHANTATERAKA IZANY SATRIA HOY IANAO HOE:MANAIKY AHO ARY POSSIBLE ETO @ FIRENENAY IZANY KRISTY O!!!

HANDRAY VALIM-BAVAKA IANAO

Mitadiava olona iray hafa miray saina aminao olon'i Kristy hiara-hangataka na inona na inona @ Ray dia hivaly izany
« Ary lazaiko aminareo koa: Raha misy roa aminareo mifanaiky ety ambonin'ny tany na amin'inona na amin'inona ka hangataka izany, dia ho azony avy amin'ny Raiko Izay any an-danitra izany. » (Matio 18:19)
Ho resy koa ny fahavalonao
« Koa izany no nanaovan'i Jehovah Tompo hoe: Indro, efa hamely an'i Farao, mpanjakan'i Egypta, Aho, ka hotorotoroiko ny sandriny, na ny mbola matanjaka, na ny efa torotoro; Ary hampilatsaka ny sabatra eny an-tànany Aho. » (Ezekiela 30:22)
MITRAKA!
MITSIKIA!
FA HITSIMBADIKA NY FIAINANAO!
MINOA!

MOSESY AO @ KRISTY IANAO

Hamirapiratana ny tavanao ho famantarana fa olony sady mpitondra ny hafany ianao
« Ary Mosesy nidina avy tao an-tendrombohitra Sinay, ary teny an-tànany ny vato roa izay nisy ny Vavolombelona tamin'izy nidina avy teo an-tendrombohitra, ary tsy fantany ho namirapiratra ny hoditry ny tavany noho ny nitenenany taminy. » (Eksodosy 34:29)
mba hahatonga anao ho to-teny
« Ary Mosesy niantso azy, dia niverina Arona sy ny lohan'ny fiangonana rehetra ho eo aminy; ary Mosesy niteny taminy.Ary rehefa afaka izany, dia nanakaiky koa ny Zanak'Isiraely rehetra; ary Mosesy nandidy azy araka izay rehetra nolazain'i Jehovah taminy tao amin'ny tendrombohitra Sinay. » (Eksodosy 34:31-32)
MINOA!
DIA AMPIASAO AM-PANETRE-TENA IZANY FA HANDRANDRATRY NY TOMPO IANAO!
MATOKIA!

TSY MAINTSY HO TANTERAKA IREO TENY FIKASANA

Fampodiana avy @ fahababoana
« Nefa any am-parany dia mbola hampodiko avy amin'ny fahababoany ihany Elama, hoy Jehovah. » (Jeremia 49:39)
fananana tany mahavokatra
« Ary hampodiko ho any amin'ny saha fiandrasana azy indray ny Isiraely, ka hihinana ao Karmela sy Basana izy; Ary any an-tany havoan'i Daima sy Gileada no hahavoky azy. » (Jeremia 50:19)
fandraisana famelan-keloka
« Amin'izany andro izany sy amin'izany fotoana izany, hoy Jehovah, dia hotadiavina izay heloky ny Isiraely, fa tsy hisy; Ary izay fahotan'ny Joda, fa tsy ho hita; Satria havelako ny helok'izay sisa narovako. » (Jeremia 50:20)
HO ANAO!!
MATOKIA!!!

HIAIKY NY FINOANAO KRISTY

Hiaiky ny finoanao Kristy ka hamonjy anao
« Dia namaly Jesosy ka nanao taminy hoe: Ravehivavy, lehibe ny finoanao; tongava aminao araka izay irinao. Dia sitrana ny zananivavy tamin'izay ora izay. » (Matio 15:28)
satria nanaiky tanteraka fa ao Aminy ihany no misy vaha-olana
« Ary, indro, nisy vehivavy Kananita anankiray nivoaka avy tamin'izany tany izany ka niantso nanao hoe: Mamindrà fo amiko, Tompoko, Zanak'i Davida ô! ny zanako-vavy ampahorin'ny demonia loatra. » (Matio 15:22)
ka sahy niantso VONJEO Taminy
« Fa nanatona ihany ravehivavy, dia niankohoka teo anatrehany ka nanao hoe: Tompoko ô, vonjeo aho. » (Matio 15:25)
FARARANON’NYVALIM-BAVAKA IZAO!!!!
MATOKIA!!!