ZARAO IZAY AO ANATINAO OLON’I KRISTY

Hiteny aminao olony Kristy ary izay lazainy dia aza misy afenina fa zarao
« Izay lazaiko aminareo ao amin'ny maizina, dia ambarao eo amin'ny mazava, ary izay ren'ny sofinareo, dia torio eo ambonin'ny tampon-trano. » (Matio 10:27)
SAHIA!satria ilay fanahiny ao anatinao ihany no hilaza izany
« Fa tsy ianareo no miteny, fa ny Fanahin'ny Rainareo no miteny ao anatinareo. » (Matio 10:20)
MINOA!! DIA AZA GAGA RAHA HITOMBO HATRANY NY FAHATSAPANAO FA OLOM-BAOVAO AO AMINY TOKOA IANAO E ! MAHEREZA.

EFA VONONA HANOVA TANTERAKA NY JEROSALEMANAO KRISTY

Vita fihavanana t@ Tompo ianao?
« sady Izy no hampihavanany ny zavatra rehetra aminy, ka dia ny ràny teo amin'ny hazo fijaliana no nanaovany fampihavanana - eny, Izy, hoy izaho, no fampihavanana izany, na ny ety ambonin'ny tany, na ny any an-danitra. » (Kolosiana 1:20)
tandremo ary ny didiny
« Izay manao hoe: Fantatro Izy, nefa tsy mitandrina ny didiny, dia mpandainga, ary ny marina tsy ao anatiny. » (1 Jaona 2:4) dia hitoetra ao anatinao Izy
« Fa na iza na iza mitandrina ny teniny, dia tanteraka ao aminy marina tokoa ny fitiavana an'Andriamanitra izany no ahafantarantsika fa ao aminy isika. » (1 Jaona 2:5)
sady ho lasa tanàna mahery ny jerosalemanao
« Dia hoy Josoa tamin'ny taranak'i Josefa, dia Efraima sy Manase: Firenena lehibe ianao ka mahery indrindra: tsy anjara iray ihany no ho azonao, fa tany havoana koa; fa ala izany ka tevezo, dia ho anao ny an-tsisiny: fa handroaka ny Kananita ianao, na dia* manana kalesy vy aza izy ireo sady mahery.[Na: fa] » (Josoa 17:17)
IANAO MANAIKY AMPIASAINY NO ANDRASANY.SAHIA MIROSO !!!MAHEREZA.

MIJOROA HO MPITANTANA MAHOMBY

Ny fananan'ny Tompo dia nomeny mba ho ampiasainao olony @ fotoanany
« Ary hoy rainy taminy: Anaka, ianao eto amiko mandrakariva, ary anao avokoa izay rehetra ananako. » (Lioka 15:31)
porofoy Aminy fa hainao ny mitantana an'izay eo aminao dia hitombo izany
« Ary izay mahatoky amin'ny kely indrindra dia mahatoky koa amin'ny be;» (Lioka 16:10)
TSY HISY FETRA NY FITOMBON’IZANY SATRIA MPANOMPO MAHATOKY IANAO!
SA AHOANA E !
MAHEREZA.

FITAOVANA MAHOMBY HANDRAVA NY HERIN’NY MAIZINA IANAO OLON’I KRISTY

Handrava ny sampy Kristy ao anatinao
« Hotorotoroina ny sampiny voasokitra rehetra, Ary hodorana amin'ny afo ny tanginy rehetra, Sady hofoanako ny sampiny rehetra; Tangin'ny vehivavy janga no nanangonany ireny, Ary hody ho tangin'ny vehivavy janga indray izy. » (Mika 1:7)
izao no fotoana hanongotany ny fanahy ratsy ao an-tanànanao
« Izao no lazain'i Jehovah ny amin'ireo ratsy fanahy rehetra mifanakaiky fonenena amiko ireo, dia izay mikasikasika ny tany nomeko ho lovan'ny Isiraely oloko: Indro, hongotako tsy ho amin'ny taniny ireo, ary ny taranak'i Joda koa dia hongotako tsy ho eo aminy. » (Jeremia 12:14)
manajamba ny voninahiny mantsy ireny
« izay nohajambain'ny andriamanitr'izao tontolo izao, dia ny sain'ny tsy mino, mba tsy hiposahan'ny fahazavan'ny filazantsaran'ny voninahitr'i Kristy, Izay endrik'Andriamanitra. » (2 Korintiana 4:4)
MIVONONA SAHIA MANADIO NY TANANA E !
MILA ANAO NY TOMPO MBA HANATANTERAHANY NY PLANINA TSARA HO AN’NY TANANANAO.
MAHEREZA.

MPIAMBINA TENA MAHOMBY AO AN-TANANA IANAO OLON’I KRISTY

Voatendry hivavaka hitaraina @ Tompo ianao mba hahatonga ny tanànanao tsy ho lasan'ny fahavalo
« Dia hoy ny Zanak'Isiraely tamin'i Samoela: Aza mitsahatra mitaraina amin'i Jehovah Andriamanitsika ho anay ianao, mba hamonjeny anay amin'ny tanan'ny Filistina. » (1 Samoela 7:8)
MINOA!dia hisy vokany izany ka handresy ianao
« Dia naka zanak'ondry mbola minono Samoela ka nanatitra azy ho fanatitra dorana ho an'i Jehovah; dia nitaraina tamin'i Jehovah ho an'ny Isiraely Samoela, ary nihaino azy Jehovah.Ary raha mbola nanatitra ny fanatitra dorana Samoela, dia nanatona ny Filistina hiady amin'ny Isiraely; fa Jehovah nampikotrokorana mafy tamin'ny Filistina tamin'izany andro izany ka nampifanaritaka azy, dia resy teo anoloan'ny Isiraely izy. » (1 Samoela 7:9-10)
ANISAN’NY FIKATSAHANAO NY FANJAKAN’ANDRIAMANITRA NY FANAOVANAO IZANY ARY MINOA FA HITONDRA VOKA-TSOA HO ANAO IZANY !!! MAHEREZA.

MIARO ANAO @ FOMBA MAHAGAGA KRISTY

Olon'i KRISTY ianao:MINOA fa misy miaramilany miaro anao @ izay rehetra alehanao
« Ary teo ambonin'ny lohan'ny zava-manan'aina dia nisy toa endriky ny eloelo, toy ny volon'ny krystaly mahatahotra, mivelatra eo ambonin'ny lohany.Ary nivelatra mahitsy sady nifanendry ny elany teo ambanin'ny eloelo: samy nanan-droa avy izy rehetra, izay nanaronany ny tenany.Ary raha nandeha izy, dia nahare ny fikopakopaky ny elany aho, toy ny firohondrohon'ny rano be, dia tahaka ny feon'ny Tsitoha, dia feo toy ny fireondreon'ny miaramila mitoby;Ary nisy feo avy teo ambonin'ny eloelo izay teo ambonin'ny lohany; nony nijanona izy, dia namihina ny elany. » (Ezekiela 1:22-25)
ary Kristy eo ambonin'izany mibaiko ireo miaramilany ireo
« Ary teo ambonin'ny eloelo, izay teo ambonin'ny lohany, dia nisy endriky ny seza fiandrianana mitovy volo amin'ny vato safira; ary teo ambonin'ny endriky ny seza fiandrianana dia nisy hoatra ny endrik'olona. » (Ezekiela 1:26)
AZA MIAHOTRA ARY MIJORO HO VAVOLOMBELONY ! MAHEREZA.

MATOKIA NY TOMPO

Fantatr'i Kristy @ antsipirihiny ny momba anao
« Fa na dia ny volon-dohanareo aza dia voaisa avokoa. » (Matio 10:30)
manàna faharetana fa tsy maintsy avotany ianao
« Ary ho halan'ny olona rehetra ianareo noho ny anarako; fa izay maharitra hatramin'ny farany no hovonjena. » (Matio 10:22)
ary sahia manao ny asa ampanaoviny
« ary ho entiny eo anatrehan'ny mpanapaka sy ny mpanjaka ianareo noho ny amiko, ho vavolombelona aminy sy amin'ny jentilisa.Fa raha manolotra anareo izy, dia aza manahy ny amin'izay fomba hitenenanareo, na izay holazainareo; Fa homena anareo amin izany ora izany izay holazainareo.Fa tsy ianareo no miteny, fa ny Fanahin'ny Rainareo no miteny ao anatinareo. » (Matio 10:18-20)
MAZOTOA ARY MANOMPO FA TSY HO TAKATRY NY SAINAO NY VALIM-PITIA AVY @ I KRISTY ILAY TENA TIA ANAO E ! MAHEREZA