HIARO ANAO EO ANOLOAN'NY FAHAVALO KRISTY SATRIA NANKATO NY TENINY IANAO

Na dia maro aza ireo mandatsa anao
« Hianao no mahalala, Jehovah ô; Tsarovy aho, ka vangio, ary valio izay manenjika ahy; Aza dia mandefitra aminy Hianao, fandrao ho afaka ny aiko; Aoka ho fantatrao fa noho ny aminao no nitondrako latsa. » (Jeremia 15:15)
ataovy tahaka ny sakafom-pifaliana foana ny tenin'Andriamanitra
« Hitako ny teninao ka nohaniko, ary ny teninao no fifaliako sy firavoravoan'ny foko; Fa nantsoina tamin'ny anaranao aho, Jehovah, Andriamanitry ny maro ô. » (Jeremia 15:16)
dia ho voatahy manokana ianao
« Koa izao no lazain'i Jehovah: Raha hiverina ianao, dia horaisiko indray*, ka dia hitsangana eo anatrehako ianao; Ary raha manavaka ny zava-tsoa hiala amin'ny zava-poana ianao, dia ho solom-bavako; Hanatona anao indray ireny; Fa tsy ianao no hanatona azy,Ary hataoko manda varahina mirova ho amin'ity firenena ity ianao: Hiady aminao izy, nefa tsy hahaleo anao; Fa momba anao hamonjy sy hanafaka anao Aho, hoy Jehovah;Ary hanafaka anao amin'ny tanan'ny ity ratsy fanahy Aho sy hanavotra anao amin'ny tanan'ny mpampahory. » (Jeremia 15:19-21)
AZA MANAHY NA MAFY AZA NY FISEDRANA FA HOMBA ANAO IZY!!!
MATOKIA.
MAHEREZA.

MIANTSO ANAO OLONY MBOLA HANOHY NY FIFONANA KRISTY

Ny fahotana nataon'ny taranaka teo aloha dia misy fiatraikany @ fiainana ankehitriny
« Nanota ny razanay tsy ety intsony izy; Ary izahay no mivesatra ny helony. » (Fitomaniana 5:7)
'ndao hitalaho @ Tompo ka tsy amelana raha tsy voavela isika
« Jehovah ô, ampivereno aminao izahay, mba hiverenanay; Havaozy ho toy ny fahiny ny andronay. » (Fitomaniana 5:21)
TIANY HANEHO FAHATOKIANA AZY HATRAMIN'NY FARANY ISIKA!!!
TSY MAINTSY HANDRESY IZY E!!!
MAHEREZA.

NY FANEKENA AMIN'NY FO NATAONAO FA AN'I KRISTY IANAO DIA AMPY HIATREHANA NY ANTSO IZAY NATOLONY ANAO

Tsy mijery ny lasanao ny Tompo fa rehefa manaiky @ fonao fa voatendry ho mpanompony ianao dia mety
« Dia namaly Amosa ka nanao tamin'i Amazia hoe: Tsy mba mpaminany aho, na zanaka ny mpaminany; fa mpiandry ondry sy mpioty aviavy ihany aho,saingy nalain'i Jehovah tany ampiandrasana ondry ka nataony hoe: Mandehana, ka maminania amin'ny Isiraely oloko. » (Amosa 7:15)
fikiro ary ilay fahazavana natolony anao
« Raha mbola manana ny mazava ianareo, dia minoa ny mazava, mba ho tonga zanaky ny mazava.... » (Jaona 12:36a)
HANOVA TANTARA IANAO SATRIA NANAIKY HANANA TOE-PO TAHAKA NY ZAZA!!!
MINOA!!!
MAHEREZA.

VONONA NY HANAPOROFO NY FAHATOKISANAO AZY KRISTY

Ry Kristiana,sahia manda tsy hanompo tompo hafa afatsy Kristy
« Ary na dia tsy izany aza, aoka ho fantatrao, ry mpanjaka ô, fa ny andriamanitrao dia tsy hotompoinay, ary ny sariolona volamena efa natsanganao dia tsy hivavahanay. » (Daniela 3:18)
dia hanaporofo ny vokatry ny finoanao Izy
« Dia talanjona Nebokadnezara mpanjaka ary nitsangana faingana izy ka niteny tamin'ny mpanolo- tsainy hoe: Moa tsy telo lahy mifatotra va no natsipintsika tao anatin'ny afo? Dia namaly ny mpanjaka ireo ka nanao hoe: Marina izany, ry mpanjaka ô.Ary hoy izy: Ka no indro aho mahita efa-dahy tsy mifatotra, mandehandeha eo anaty afo, nefa tsy maninona tsy maninona akory izy; ary ny fijery ilay fahefatra dia toa zanak'ireo andriamanitra. » (Daniela 3:24-25)
ka lasa ho toa anao ny hafa
« Ka dia manao lalàna aho fa ny fokom-pirenena sy ny firenena sy ny samy hafa fiteny rehetra izay manao teny tsy mety ny amin'Andriamanitr'i Sadraka sy Mesaka sy Abednego dia hotetitetehina, ary hatao trano fivoahana ny tranony; fa tsy misy andriamani-kafa mahavonjy tahaka izao. » (Daniela 3:29)
HITOMBO HAINGANA LAVITRA IREO OLONA VOAVONJY NOHO IZANY FIJOROANAO IZANY!!!
MINOA!!!
MAHEREZA.

HANAO FAHAGAGANA HO ANAO IZAY NANAJA AZY KRISTY RAHAMPITSO

Manamasina ny tenanao fa hanao fahagagana ho anao ny Tompo rahampitso
« Ary hoy Josoa tamin'ny olona: Manamasina ny tenanareo: fa rahampitso dia hanao fahagagana eo aminareo Jehovah. » (Josoa 3:5)
hahatsikaritra izany ny hafa ka hiaiky fa velona Kristy izay itokianao
« Fa nataon'i Jehovah Andriamanitrareo maina ny falehan'ny rano Jordana teo anoloanareo mandra-pitanareo, dia tahaka ny nataon'i Jehovah Andriamanitrareo tamin'ny Ranomasina Mena, izay nataony maina teo anoloantsika mandra-pitantsika,mba ho fantatry ny firenena rehetra ambonin'ny tany fa mahery ny tànan'i Jehovah, ary mba hatahorany an'i Jehovah Andriamanitrareo mandrakizay. » (Josoa 4:23-24)
MINOA FA NATAO HO ANAO NY TENY FAMINANIANA!!!
MAHEREZA.

AZA AMELANA RAHA TSY MIVERINA AMIN'ANDRIAMANITRA NY JERESALEMANAO

Midongia @ Tompo ary aza amelana raha tsy hamirapiratra eo anoloanao ny Tavany
« Andriamanitra ô, ampodio izahay, ka ampamirapirato ny Tavanao, ary aoka hovonjena izahay. » (Salamo 80:3)
hivaly izany ka lasa ho tamana hifikitra Aminy ianao
« Aoka ny tananao ho amin'ny lehilahin'ny tananao ankavanana, dia amin'ny zanak'olombelona izay nampaherezinao ho Anao.Dia tsy hihemotra hiala aminao izahay; velomy izahay, dia hiantso ny anaranao. » (Salamo 80:17-18)
FITAKIANA MAHASOA IZANY,NOHO IZANY TSY MAINTSY HO TANTERAKA!!!
MINOA.

TSY NY ANARANA MAHA-KRISTIANA NO MAHAVONJY FA NY FANKATOAVANA SY NY FANAJANA AN'I KRISTY

Na efa Kristiana aza ianao nefa tsy manaja an'i Kristy dia ho faiziny ihany
« Sabatra no hamonoana ny mpanota rehetra amin'ny oloko, dia ireo izay manao hoe: Ny loza tsy hanakaiky na hahatratra anay. » (Amosa 9:10)
Izay mankato kosa dia tena hambinina sy ho voatahy mandrakizay
« Amin'izany andro izany dia hatsangako indray ny trano-bongon'i Davida izay efa nianjera, ary hotampenako ny efa banga ao; Ary hamboariko izay efa rava aminy, ka hataoko tahaka ny taloha izy,Mba hananany izay sisa amin'i Edoma sy amin'ny jentilisa rehetra, izay hantsoina amin'ny anarako, hoy Jehovah, Izay manao izany.Indro, avy ny andro, hoy Jehovah, Izay hahatraran'ny mpiasa tany ny mpijinja, ary ny mpanosihosy voaloboka hahatratra ny mpamafy; Ny tendrombohitra hipoipoitra ranom-boaloboka, ary ny havoana rehetra hiempo.Ary hampodiko ny Isiraely avy amin'ny fahababoana, dia hanangana ny tanàna efa rava izy ka honina ao, ary hanao tanim-boaloboka izy ka hisotro ny divay avy aminy; Hanao saha koa izy ka hihinana ny vokatra.Eny, hamboleko ao amin'ny taniny izy, ka tsy hongotana amin'ny taniny izay nomeko azy intsony izy, Hoy Jehovah Andriamanitrao. » (Amosa 9:11-15)
'NDAO ARY ISIKA HIFAMPIVAVAKA MBA HAHAFOANA NY FANAHIN'NY TSY FANKATOAVANA !!!!
MBOLA TSY TARA IZAO!!!
MATOKIA.