Nitetika handripaka ny Jiosy Hamana,
« Ary hoy Hamana tamin'i Ahasœrosy mpanjaka: Misy firenena iray efa miely sy mihahaka eny amin'ny firenena samy hafa isan-tokony eran'ny fanjakanao; ary hafa lalàna noho ny firenena rehetra ireny sady tsy mba mankatò ny lalàn'ny mpanjaka; ary tsy mendrika amin'ny mpanjaka ny hamela azy ho eny; » (Estera 3:8),
efa nanaiky ny mpanjaka,
« Dia nesorin'ny mpanjaka tamin'ny tànany ny peratra fanombohany ka nomeny an'i Hamana, zanak'i Hamedota Agagita, fahavalon'ny Jiosy. » (Estera 3:10),
nijoro Estera niaro ny fireneny,
« Ary hoy indray ny mpanjaka tamin'i Estera teo am-pisotroan-divay tamin'ny andro faharoa inona no angatahinao, ry Estera, vadin'ny mpanjaka? Fa homena anao izany. Ary inona ange no tadiavinao? Fa na dia hatramin'ny antsasaky ny fanjakana aza dia hotovina izany. » (Estera 7:2),
dia nahantona Hamana,
« Ary Hamana dia nahantony tamin'ilay hazo efa natsangany hanantonana an'i Mordekay. Dia vao izay no nionona ny hatezeran'ny mpanjaka. » (Estera 7:10).
SAHIA MANOLOTRA NY FIRENENA HO AN’I KRISTY!
VAVAKA: RAY O! RAISO AN-TANANA TANTERAKA NY FIRENENAY!@ ANARAN’I JESOA KRISTY VELONA AVY ANY NAZARETA AMEN!
